أخبار عاجلة
أغذية مفيدة للرجال.. احرصوا على تناولها -
أشرف زكي: أنا زملكاوي ولكنى ضد التعصب -
بعد الصعود الصاروخي.. بتكوين تتعثر -

صوم العدرا قرب ..ومادام صوم العدرا قرب ماينفعش مانتكلمش عن الأسقف اللي في الصورة دة

اللي في الصورة دة يبقى واحد من أعظم رجال الكنيسة القبطية الأرثوذوكسية
واللي بسببه ناس كتير جداً من المسيحيين وغيرهم أتعلقوا بالعدرا مريم
اللي في الصورة دة يبقى مثلث الرحمات #الأنبا_ميخائيل_مطران_كرسي_أسيوط.
الصورة دي ليها تاريخ مع أنبا ميخائيل
لأن طريق دير العدرا درنكة كان عالي وماكنش متسفلت
وكانت الناس بتقابل مشقات كتير علشان تطلع الدير وتصلي
وماكنش فيه عربية تقدر تطلع مطلع الدير
فالأنبا ميخائيل بعت لمهندس أسمه ( #شنودة )
وقاله عاوزين نسفلت الطريق للدير
شنودة بص للأنبا ميخائيل وقاله مستحيل الطريق دة يتسفلت يا سيدنا.
الدير على جبل و المعدات ماتقدرش تسفلت طريق واقف على حيله بالشكل دة
الأنبا ميخائيل بص لشنودة وقاله
على راحتك يا شنودة على راحتك يابني ومشي شنودة من المطرانية وروح
لما شنودة نام شاف رؤية عجيبة
شاف واحدة ست شايلة طفل وطالعة في طريق الدير
وكل ماتطلع تقع و هدومها تتملي تراب فالست تبص لشنودة وتقوله
على راحتك يا شنودة
على راحتك يابني وأتكرر المشهد دة قدام شنودة أكتر من مرة فقام شنودة من النوم وهو مفزوع
وتاني يوم راح المهندس شنودة
وقابل الأنبا ميخائيل وقاله
مفيش مشكلة يا سيدنا هانسفلت الطريق ونرصفه وفداك أي معدات تتكسر
فالأنبا ميخائيل بص لشنودة وقاله
يعني كان لازم العدرا بنفسها تجيلك؟؟؟؟؟؟ ماتخفش
مفيش حاجة هاتتكسر.
وفعلاً الطريق أتسفلت وأترصف وبقى دير العدرا بدرنكة يستقبل في صيام العدرا كل سنة أكتر من 2 مليون مسيحي وغير مسيحي طمعانين في بركة أمنا

منقول

هذا الخبر منقول من: صوت المسيحي الحر

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

السابق أغذية مفيدة للرجال.. احرصوا على تناولها
التالى بعد ٤٥ عامًا الكنيسة الكلدانية تحتفل بأول قداس لراحة أنفس الموتى (صور)